Бұл тренингтің негізгі мақсаты – оқушыларға агрессияның себептері мен салдарын түсіндіріп, агрессияны басқару дағдыларын дамыту, сондай-ақ тиімді қарым-қатынас дағдыларын қалыптастыру болды.

Тренинг барысында қарастырылған негізгі тақырыптар:

1. Агрессияның анықтамасы мен түрлері: Оқушыларға агрессияның не екенін, оның физикалық және психологиялық түрлерін, сондай-ақ агрессияның жағымсыз әсерлерін түсіндірілді. Агрессияның түрлерін тану арқылы оны болдырмау жолдарын қарастыру мақсатында топтық талқылаулар жүргізілді.

2. Агрессияның себептері: Тренингте агрессияның туындауына ықпал ететін түрлі себептер (отбасылық жағдай, стресстік факторлар, жеке тұлғаның мінезі, қоғамдағы қысымдар) талқыланды. 

3. Агрессияны басқару дағдылары: Оқушыларға агрессияны басқарудың бірнеше әдістері ұсынылды, мысалы: тыныс алу жаттығулары, сабырлы болу, эмоцияларды бақылау, ашық сөйлесу мен конфликтілерді шешу жолдары. Сонымен қатар, әртүрлі жаттығулар мен рөлдік ойындар арқылы агрессияны дұрыс бағытта басқару дағдылары қалыптастырылды.

4. «Жоқ деп айта білу» дағдысы: Тренингте қатысушылар өздерінің эмоцияларына адал болуды және жағымсыз әсерлерден қорықпай бас тартуды үйренді. «Жоқ деп айта білу» әдісі арқылы оқушылар өз пікірін білдірудің және басқаларға құрметпен қараудың маңыздылығын түсінді.

Тренингтің нәтижелері: Тренинг барысында оқушылар өз эмоцияларына бақылау орнату, ашық сөйлесу және конфликтілерді конструктивті түрде шешу жолдарын меңгерді. Сонымен қатар, оқушылар агрессияны болдырмаудың маңызды екенін түсініп, өзінің мінез-құлқын басқаруға және қиын жағдайларда сабыр сақтауға үйренді.

Қорытынды:
Бұл тренинг оқушылардың агрессияға қарсы тұру қабілеттерін арттырып, оларды өз эмоцияларын дұрыс басқаруға, сондай-ақ агрессия мен конфликтілердің алдын алуға бағыттады. Аталған тренинг оқушылардың психоэмоционалды сауатты болуына және қоғамда өзара құрмет пен түсіністік қалыптастыруға ықпал етті.