2024 жылдың 24 мамыр күні білім ордамызда «Мектебім, саған мың алғыс!» атты түлектерге арналған соңғы қоңырау салтанаты өтті. Салтанатты жиынға мектеп бітіруші түлектер, ұстаздар, ата-аналар қатысып, мерекелік шара түлектеріміздің ұстаздарына арнауы, ән-шеруі, мектеп вальсі, әкімшіліктің, ата-аналардың, ұстаздардың құттықтау тілектерімен жалғасты. Сонымен қатар, ата-аналар балаларының білім алған мектебі мен ұстаздарына аналық алғыстарын білдіріп, шара барысында фотогалерея арқылы түлектеріміз балалық шақтарын еске алды. Мерекелік салтанат олар үшін соңғы рет сыңғырлаған қоңырау үнімен аяқталды.