Ақтөбе облыстық есту және көру қабілеттерінде бұзылыстары бар балаларға арналған арнайы «мектеп-интернат-колледж» кешенінде кәсіптік бағдар беру жұмыстары жоспар бойынша жүзеге асырылуда. Кәсіптік бағдар беру – әрбір оқушының өзіндік жеке қабілетті  мен бейімділігін ескере отырып, мамандық таңдауға бағыттау мақсатында атқарылатын жұмыстар.

«Мектеп-интернат-колледж» кешеніндегі кәсіптік бағдар беру жұмысының негізгі міндеттері:

• Есту мүмкіндігі шектеулі оқушылардың мамандықтар туралы түсініктерін кеңейту;
• кәсіптік қызығуы мен бейімділігін, қабілеттілігін қалыптастыру және дамыту мақсатында оқушылардың дара ерекшеліктерін зерттеу;
• мүмкіндігі шектеулі жандардың қоғмға араласа алу қабілеттілігін арттыру;
• жеке ерекшеліктеріне қарай мамандық түрлерін игеруге бейімдеу.

Осы міндеттерді жүзеге асыру мақсатында жоспар құрылып,  педагогтар мамандыққа бейімдеу бағытында іс-шаралар жүргізуде.